可嵐攬白健恩上床 心情複雜
經歷婚姻幾乎破裂的可嵐，早前自資新歌回歸樂壇，首次填詞的她憑歌寄意，訴說破碎的愛情經歷，與白健恩（小白）拍攝MV時，心情更是相當複雜。她又與小白挑戰「床戲」，拍戲經驗不多的可嵐坦言甚尷尬。
歌手可嵐年中爆出家暴，遭老公毆打至滿身傷痕，有次更被對方用門夾爆手，後來又傳男方「包二奶」，當時決意離婚的可嵐，事隔多月後稱已分居，但正努力挽救婚姻中。生活逐漸重返正軌的可嵐，早前攜新歌《愛‧傷了》回歸樂壇，年多前更親自為此曲填詞，她自言愛的經歷不太如意：「一諗到『愛』字時就諗到心碎，當心碎時再睇番個『愛』字，原來個『心』喺個『愛』字裏面，即係愛可以將破碎嘅心修補好，所以呢首歌某程度上同我段感情有關。」
訴說自身感情經歷
可嵐又首次與白健恩（小白）合作，為新歌《愛‧傷了》合拍MV，片中她發現另一半偷食，導致兩人最終分手收場，可嵐直言拍攝心情甚複雜：「當時經歷緊屋企唔開心嘅事，其實手仲係受住傷去拍，所以每個心情都係真情流露。MV內容某程度係同老公嘅一啲感情經歷，主要想講兩個人因為一個承諾走埋一齊，但突然承諾破碎咗、有人違背咗，令到我好失望。」
感激一班好友支持
提到跟小白拍「床戲」，可嵐坦言有點尷尬：「因為自己拍戲經驗唔多，所以都驚自己唔識點配合，但我覺得呢個係一個大嘗試，因為要同個唔識嘅男人同床。」今次自資創作的她表示，自組公司時也遇到很多阻力，但感激一班好友支持、一起完成這首歌和MV。
文：影視組