黃漪鈞帶盛君 色香味體驗

盛君日前獲老闆黃百鳴的女兒黃漪鈞（Alvina）帶路，到全港首間位於旺角朗豪坊的4DX戲院，體會「色香味」觀影新體驗！據知4DX戲院除了提供最新的「杜比全景聲」聲效及高清畫面外，現場的動感座椅更有釋放煙霧、香味、泡泡、猛風及噴水等功能。

韓國引入吸觀眾

以戲迷自居的Alvina自爆獲父親黃百鳴「開綠燈」打理戲院，更「放手」投資超過5,000萬！她說：「想用最先進技術帶嚟新鮮感，吸引返觀眾入戲院。（擔心成效？）依家投資大，但攤開十年戲院合約都合理。」

黃百鳴放手讓女兒黃漪鈞打理戲院。

黃漪鈞（右）餵盛君吃戲院小食。

家底豐厚的Alvina以巨額獨家引入4DX技術，此舉看似簡單，但她在背後付出不少心血，更自爆「一腳踢」包辦戲院大小事務：「我喺韓國睇過4DX後，傾足一年積極想引入香港，又帶對方團隊嚟為戲院重新度位、裝修同鋪線，仲改咗座位設計，行過都唔會撞腳！」Alvina甚至對小食部的菜單亦大有研究：「每個禮拜都會賣特別口味嘅爆谷，仲有埋素食！」

學父親勇於嘗新

Alvina還透露將勇闖上海開設戲院，父親黃百鳴可有畀意見？她大讚爸爸夠勇敢：「佢淨係話要做得好，因為大家拍戲好花時間同心血。（從佢身上學到咩？）佢好勇於嘗試新嘢，睇咗個計劃就願意投資，當中需要勇氣。」至於身旁的盛君表示平日努力練跆拳道及太極，力讚在4DX戲院睇打鬥戲效果震撼：「張椅會跟晒節奏咁搖同震，好似自己入咗套戲做主角！」

文：影視組

髮型：Kenny Leung@the luxe by private i

化妝：Louisa Wong@Willmakeup

場地：Cinema City旺角朗豪坊