Lea T. 心胸闊恨收靚錶
來自斯洛伐克的名模Lea T.，向來崇尚環保及熱愛運動，日前她偕同剛來港發展的師弟Hector V.踩單車，試用天梭表的單圈計時功能，更毫不吝嗇大騷逼爆「心形胸」！雖然Lea仍然單身，但面對靚仔有型的師弟卻不為所動，她表示情人節想與心儀男士一起過，更想收到靚錶作為禮物。
曾與霍啟山傳緋聞的名模Lea T.，日前與來自阿根廷的師弟Hector V.出席瑞士天梭表活動，擁有「心形胸」的Lea穿小背心踩單車，大騷逼爆上圍，仍單身的Lea面對靚仔師弟卻不為所動。
早前在泰國過熱辣辣聖誕的Lea，晒得一身古銅色肌膚，問是否與男友共度甜蜜聖誕？她婉轉說：「我只可以話，我係同成班香港朋友一齊去。」雖然Lea否認有新男友，但一提起「神秘男」亦難掩甜絲絲笑意。
每位女性都想過浪漫難忘的情人節，Lea亦坦承想與男友過節，惟暫未知情人節當天是否要工作：「要睇時間表先，不過每個女仔都會想同鍾意嘅人一齊過。」
愛太陽能時計
近期做運動做上癮的Lea，對T-Touch Expert Solar高科技觸碰感應太陽能腕錶大為讚賞，貪其環保又實用。她更渴望有人送錶作情人節禮物：「喺女仔角度，我鍾意收禮物多啲，亦好想收到呢隻錶。一來天梭表係我鍾意嘅品牌，二來我鍾意做運動，隻錶好啱做運動用，我最鍾意佢個單圈計時功能，啱晒我踩單車計時。呢隻錶係太陽能發電，唔使用電池夠環保，又有觸碰式屏幕，好適合情人節送畀另一半。」
文：專案組
攝：劉智源
場地：TORQ CYCLING