黃美棋唔恨金龜 要踏實不要疊水

黃美棋直言唔恨釣「金龜」，更撐緋聞男友鍾健威夠踏實。

藝人黃美棋和馬國明（馬明）緋聞女友徐佳琦昨日出席《莎莎「羊」「洋」愛意喜迎春》活動，即場玩抽獎遊戲。當中釣到金龜圖案揭揭卡的美棋BB表示好開心，她說：「未試過釣到金龜，哈哈！玩吓好喇。（現實生活呢？）冇呀，（男友唔使家底豐厚？）唔使，希望自己搵多，有經濟能力咪唔使搵個有錢囉。」問到緋聞男友鍾健威家底如何，她即保護愛人：「佢好踏實o架，（疊水？）係踏實，但我哋冇深入研究幾多家底。」問到二人會否拉埋天窗時，她表示：「今年唔會，啱啱完HKTV約，想衝多幾年拍戲先。」似乎暗示已認定對象，但時辰未到而已。

徐佳琦呻多爛桃花

談到將為有線節目《帶阿媽去旅行》擔任主持，問到會否怕與杜如風主持的《流行首爾》作比較？她說：「唔會，呢個同媽咪去旅行，係真人騷。」續說：「細個陣媽咪帶我出去拍攝，今次由我帶媽咪出去，已經好多暖包同化妝品畀媽咪，始終要上鏡。」問到會否怕與杜如風一樣揀錯翻版時，美棋BB自言對時裝認識不大，旅程主要品嘗地道美食多。

徐佳琦谷胸晒本錢，與麥玲玲、黃美棋出席品牌新春活動。

黃美棋為徐佳琦化妝，似模似樣。

而徐佳琦在台上揚言新一年不想再遇上爛桃花，她表示自己還未遇到正桃花，但身邊也有不少男士追求。問到馬明是否列為爛桃花？她表示：「慢慢嚟，要睇清楚，（有冇聯絡？）大時大節會祝福對方。」至於對方會否約她度過情人節？她坦言沒有，亦不會因而不開心：「其實情人節咁多年都同朋友同屋企人過。」記者再追問與馬明是否屬情侶關係？她回答：「冇，之前啱啱了解，影到之後大家距離遠咗，timing未到。」

文：名人組