Jeana濕啜何浩文 廚房送波餅

何浩文與何佩瑜濕身咀嘴，咀得如膠似漆。

難解難分

Dominic和Jeana日前在首映禮於眾人面前三度互咀，搶盡風頭，他倆在片中飾演情侶，當中一場廚房濕身激咀，香艷刺激！拍攝時講述Dominic在Jeana家中整水喉，情到濃時二人突然激咀，咀得如膠似漆，還濕身深情相擁，Jeana毫不吝惜胸壓Dominic，他則以強勁臂彎將她緊緊摟在懷中，如連體嬰般難解難分。

Dominic說鏡頭前表現激情，其實拍攝時苦不堪言：「為配合鏡頭呢場戲足足拍咗兩個鐘，我淨係着背心，成身濕晒好凍，即使拍到個身乾咗都要再濕番身，真係難頂！」不過他笑言Jeana「幾好錫」，雙方都拍得好投入：「大家同一間經理人公司多年，但溝通唔多，唔係好熟。反而拍呢部戲先真真正正溝通，仲要開拍第一日我哋就拍感情戲，感覺好得意。（會唔會戲假情真成為情侶？）唔知o架，將來嘅事冇人知，順其自然啦。」

擒埋上身

濕身大戰

全情投入

問Jeana咀Dominic是否好好錫？她說：「呢啲你要問番佢嘞，場戲最辛苦係濕身，仲拍咗好耐。（你胸壓佢，好激情喎？）唔係我主動o架，係佢用麒麟臂緊緊抱住我。咁拍呢類場面係要投入嘅，唔通離行離列咩！」

文：影視組