何家駒妹妹泯恩仇 協辦後事
資深藝人何家駒日前病逝，其好友曹查理幫亡友執拾遺物期間，發現亡友有些存摺只有百多元，電影人蕭定一與張國忠均揚言會聯絡曹查理，如有需要定必會盡力幫手，而何家駒妹妹已聯絡曹查理，日內會約見面相談後事安排。另外，張國忠接受訪問時，緬懷自己跟何家駒、周潤發昔日齊齊捱夜打拚的日子，不勝唏噓！
被封為影壇數一數二演活「惡人」角色的資深藝人何家駒日前因病於香港離世，終年66歲。其多年好友曹查理正為亡友打點後事，由於曹查理不是何家駒直系親人，故為亡友搞後事頗為不便，所以他希望找到何家駒妹妹幫手，而曹查理曾聽何家駒說過，家駒跟妹妹當年因母親的資產問題，曾有些不愉快，近年鮮有聯絡，但曹查理仍很希望能聯絡到家駒妹妹幫手，而昨日何家駒妹妹終於聯絡曹查理，日內會相約見面相談何家駒的後事安排，曹查理表示：「佢（何家駒）妹妹聯絡咗我，因為我依家唔喺香港，等我返嚟就會約佢見面傾吓點樣搞何家駒嘅身後事。」
內地友人出錢
曹查理到東莞何家駒家中執拾遺物時，發現何家駒有些存摺只有百多元存款，令他不勝唏噓，事件亦引起不少圈中人關注，何家駒遺作電影《壹獄壹世界》投資者蕭定一以及何家駒好友、資深電影人張國忠昨接受訪問均直言會聯絡曹查理，如果何家駒身後事有任何需要會盡力協助。而曹查理亦坦言何家駒離世後，即有何家駒的內地朋友說想入錢給他，欲為何家駒喪禮出一點綿力，但曹查理暫時一一拒絕，他謂：「入錢畀我，好大責任，我想同何家駒妹妹見面之後，決定喪事點樣辦先再決定點做。」
親為師弟出頭
張國忠昨日接受電話訪問，對好友離世大表傷痛，回首當年自己跟何家駒、周潤發一起打拚的日子，更倍添唏噓。
張國忠表示：「當年我哋公司接咗北美演唱會嚟做，當年邊有咁方便有手提電話，我哋三個帶晒衫褲內衣喺公司打躉，凌晨時分同北美同事聯絡，一個星期有三、四日喺公司瞓。而喺我做製片嘅時候，師兄（何家駒）教咗我好多。記得我做電影《點指兵兵》製片時，畀人鬧到飛起，師兄一嚟到，用十五分鐘就搞掂晒成件事，真係好犀利。」
文：影視組