對於Tony公開like爆唐詩詠,翠如笑謂:「係囉!佢都冇咁讚過我,但除非有人影到,冇相我哋係唔會信,你哋快啲去影佢相喇!(呼籲記者將事實影出嚟?)冇啲咁嘅事,我同佢熟啫,但我唔可以亂講嘢,好多陷阱呀呢度。」在旁的Edwin醋意大發笑謂:「係咁講Tony,你講番我咪冇事囉。」
提到首次共度情人節,翠如打算孖Edwin約齊Tony及詩詠四人同行Couples Dating,要做紅娘幫手撮合洪唐:「如果佢哋唔應我哋邀請就麻煩大家影佢兩個相,呢個就係最好嘅情人節禮物喇!」Edwin附和說:「我哋當然識做啦,四個人坐低叫晒嘢食,我哋兩個就會閃人。」