唐詩詠嗒糖 開綠燈
洪永城（Tony）一句「呢啲筍盤梗係要早啲落手」公開向唐詩詠示愛，詩詠在前晚頒獎禮上亦矜持回應有發展空間，又讚Tony在她有需要時帶給她正能量，直認Tony是喜歡類型。
藝人洪永城（Tony）日前大膽公開向唐詩詠示愛，一句「呢啲筍盤梗係要早啲落手」後更揚言要在情人節插旗約會，前晚詩詠在頒獎禮上面對這「插旗宣言」，雖仍故作鎮定保矜持，但實難掩其如沐春風，一襲低胸長裙甜到漏亮相的她，提到Tony的追求時更冧爆回應：「佢做嘅嘢好surprise。（常畀你驚喜？）佢係充滿正能量嘅人，喺我人生需要正能量時遇到佢係好開心。」
認有機會發展
雖然詩詠沒有承認與Tony蜜運，但卻直認對方是自己喜歡的類型：「我都鍾意陽光、好正能量、去旅行嘅，佢係個好陽光嘅男仔。（有發展空間？）發展空間係……有嘅。」之後詩詠更放聲叫Tony出擊說：「我都希望以後嘅路有人同我環遊世界。（佢適合？）我都希望有個人嘅。」
前晚同場的視帝郭晉安亦盛裝亮相，更直認當視帝後身家暴漲，他屈指一算謂：「多咗七位數字，仲有啲工作排到三月。（再買大屋？）儲起佢啦，我哋做呢行係海鮮價，去到一啲日子可以儲咪儲囉，留起嚟積穀防饑。」
文：影視組