楊采妮生B拒人工受孕

藝人楊采妮（Charlie）昨日出席護膚品牌活動，同埸還有名模Jocelyn及丈夫Anthony、名媛周黃泳霖及丁子高等。Charlie表示早前與老公邱韶智去了兩星期旅行，新年則不會四處遊玩，因分別回新加坡及台灣等地探望家人。眼見身邊好友相繼有孕，現時40歲的Charlie與老公亦有生育打算，最近更開始積極調理身體造人，她說：「因為好早就入行，以前唔識照顧自己，身體抵抗力冇咁好。（人工受孕？）我知好多人都會咁做，但我暫時都唔想，因為覺得生BB係上天賜予，都係順其自然好啲。」