何浩文暴啜Jeana落袁嘉敏面

近日「峰」頭甚勁的前港姐袁嘉敏，於新片《鴨王》露點演出，更與同片的何佩瑜和何浩文鬧不和。Dominic近日於facebook辣火頭：「冇興趣玩埋啲小學雞遊戲，自己唔知自己有咩問題，就問吓其他人發生咩事，點解自己被針對……」曾與Candy合作的杜汶澤留言說：「我懷疑你講緊一條八婆。」阿澤又玄妙說：「其他人同佢，就係佢哋之間嘅猿糞。」Dominic則回應說：「原來係你唔搞人，人都係會搞你。」

而有份留言八卦事件的o靚模鍾采羲昨受訪時說力撐阿澤與Dominic，問是否覺得Candy被鬧？她說不認識對方。

何佩瑜與何浩文當眾攬啜，令袁嘉敏眼火爆。	杜汶澤和何浩文在社交網的留言似有所指。	何浩文啜何佩瑜時頸筋暴現。

咀到現頸筋

Dominic前晚拖實Jeana出席《鴨王》首映，兩人當眾咀嘴，Dominic更頸筋暴現，完全冷落同場的Candy。Jeana受訪時突然有朋友送花，再剃Candy眼眉。Jeana否認刻意咀嘴：「唔係特登，我同Dominic識好多年。」談到拍拖她表示順其自然，又說不知會收花，並否認與Candy不和：「唔係，合作講緣分。」

Candy則不覺被冷落：「冇諗應該點企，不嬲都無所謂。（Jeana同Dominic故意搶鏡？）佢哋不嬲好朋友，情同兄妹，我冇諗咁多，唔通我掹開佢哋咩？」

提到有指床戲由兩場變六場，Candy說：「導演係新導演，加加減減一定有，但有啲係即刻加，仲好激烈，我冇預計到，所以喊咗出嚟，係真眼淚。」Candy不願透露片酬，又承認拍畢該片後曾返澳洲休息。

文：專案組