官恩娜慈父送千萬嫁妝

歌手官恩娜（Ella）昨日出席啤酒活動，問到是否下月舉行婚禮？她笑住話：「都結吓啦，結婚唔係一個人嘅事，而男友好低調，所以唔多講，到時同大家宣布。（係咪結咗先發相？）等公司安排啦，總之我喺香港結婚。」
官恩娜表示婚戒款式較簡單，鑽石也並非大大粒。
官恩娜表示婚戒款式較簡單，鑽石也並非大大粒。

之前有指其從事珠寶生意的官父送上巨額嫁妝，Ella直言嫁妝近千萬，全部父親所送：「心意啦，有6對龍鳳鐲、3 set鑽飾、兩set珍珠首飾，但結婚嗰日唔會一次過戴晒出嚟，太多喇。」她又指父親連結婚戒指也代為準備，但並非大大粒鑽石那款，她說：「係簡單啲嘅款，都有鑽石，都係由爸爸設計、揀石同喺佢工場度造，所以好多謝爸爸。」

官恩娜透露千萬嫁妝全由父親所送。
  • 官恩娜透露千萬嫁妝全由父親所送。