馬國明做程咬金 情人節約「阿妹」
曾與唐詩詠傳緋聞及是詩詠「阿哥」的馬國明（馬明），聽到洪永城向詩詠展開追求，情人節時會約她，馬明說：「如果佢真係鍾意，都會戥佢開心。（你同洪永城熟唔熟？）大家同事，佢係一個好風趣嘅男仔。」不過他又抵死笑謂：「其實佢（洪永城）咁都好主動，但阿妹（唐詩詠）係唔係會應約先？可能阿妹唔應約呢！（佢依家插晒旗喎？）冇話插唔插，我哋情人節唔知會唔會約阿妹食飯o架！」
同是洪永城及詩詠好友的黃翠如則力sell男方，更謂：「希望詩詠認真考慮佢，（有冇中間撥火？）我同Tony（洪永城）好close，佢鍾意嘅我都鍾意，佢哋合作拍劇時，Tony同我講過佢好開心，讚詩詠係好演員、好女仔。」
