洪永城認冧唐詩詠 情人節發功

無綫藝人洪永城（Tony）與唐詩詠合作拍劇後傳出緋聞，Tony昨日出席活動時竟毫無避忌地坦承好like對方，並笑言：「有二、三百個like，若儲夠二、三千個like就公開。」他透露與詩詠有單獨約會，又坦言情人節會約會對方，知道詩詠鍾意別人下廚，他自己會惡補一下，看來追求行動升級！

約埋睇千嬅個唱

記者昨日再致電Tony，他初時指大家有個「美麗的誤會」，其意思是彼此「了解中」，而非「發展中」。直問他是否已展開追求？他坦白說：「間唔中啦！」問詩詠如何表示，他謂：「我諗佢研究中，呢啲唔應該代表佢答。」說到情人節約詩詠，明顯「插旗」打退其他情敵，Tony對此謂：「呢啲筍盤梗係要早啲落手，我都想低調，不過呢幾日都有記者跟我，我估係之前佢哋影到我同佢食飯、睇戲，我哋有共同話題，大家又鍾意食嘢！（拖手未？）冇！不過尋晚（即前晚）先邀請佢去睇千嬅演唱會。（開唔開心？）開心，都有keep住約會。」

崔建邦表示若唐詩詠拍拖，他會替舊愛高興。	洪永城昨日坦言好Like詩詠。	唐詩詠和洪永城在《載得有情人》中咀嘴。

問情人節會給詩詠甚麼驚喜時，Tony說：「結婚咩！（感動佢嘛！）每日都做緊啦！（如果佢拒約咁點？）我唔知喎！咁我準備禮物、搵間好啲餐廳先。」說到聽聞他身邊有不少女仔，他即謂：「佢仲多過我，又多緋聞過我，佢吸引男性多啲。」

崔建邦恭喜舊愛

女主角詩詠昨日接受訪問時，提到Tony表晒態，為何她還未接受？她說：「哈哈！呢啲嘢畀啲空間啦！好多嘢需要了解吓先！（了解日日都做緊嘞喎！）我唔知呀！（佢日日做緊係乜？）正常關心、問候whatsapp。（情人節會否應約？）暫時未收到invitation，等佢真係約先啦！」對於Tony搞出美麗的誤會，詩詠取笑他：「佢身為一個主持，真係要學主持技巧，唔好再搞到人哋誤會！佢啲表達能力有問題，等佢表達好啲先答佢！」

另外，唐詩詠的舊愛崔建邦被問到此事時說：「如果係真嘅都恭喜對方，最緊要佢開心。」

文：影視組