陳麗文釋懷當司馬燕移民
已故藝人司馬燕早前因病離世，其家人前日在香港殯儀館舉行追思會。而其靈柩由丈夫吳忠義、大仔吳澋滔和細仔吳景燿陪同下，送抵溫哥華準備落葬。
表妹陳麗文（Polly）昨日以司儀身份出席活動記招，被問到前日缺席表姐的追思會？她坦言不應着眼於有否出席，又透露表姐夫打算低調，所以親戚朋友都打算封嘴：「在心中啦！（表姐夫一家會移民溫哥華？）佢哋點決定都略知一二，你哋都好快會收到消息！」她表示現時心情已平復不少：「頭一個星期係有（唔開心）嘅，都有同朋友傾偈，佢哋話當佢去咗移民囉！」
而司馬燕生前好友吳麗珠就將於今晚起程到溫哥華送別亡友，問到葬禮詳情，她坦言不太清楚：「落咗機後，就會有朋友接我去嗰度。」