張智霖示威要電全智賢
張智霖（Chilam）出席主演新片活動，即場向女粉絲施冧功。談到太太袁詠儀（靚靚）參演內地節目，為韓國型男李敏鎬陷入瘋狂狀態，Chilam表明不會呷醋，更直言恨見女神全智賢，擺明「示威」﹗
Chilam昨偕同佘詩曼、馬國明及朱璇出席活動，宣傳賀歲片《衝上雲霄》電影版。與粉絲們玩遊戲時，型男即「Cool魔上身」，向女影迷展冧功，令尖叫聲此起彼落。Chilam更賣口乖表示：「想留喺香港過年，大年初一會同屋企人去捧自己場，《衝上雲霄》好意頭嘛。（你與郭采潔於戲中感情線催淚喎？）咁喊都係排毒嘅一種，跟住嗰年咪會非常好。」
怕女神會暈
談到靚靚獲內地節目《一路上有你》劇組安排與李敏鎬會面，他可有呷乾醋？Chilam笑言：「我戥佢開心就真，作為伴侶真正嘅意義，唔係迫緊對方而係擴闊彼此空間。（阿靚見到李敏鎬反應點？）佢呆咗囉，因為事先我哋真係唔知。（咁你想見邊個？）全智賢囉，不過我驚佢見到我會暈，哈哈，不過應該冇機會（見面）嘞。」夫妻二人又常於節目中互爆「大鑊」，ChiLam被問到最討厭妻子甚麼行為？他跟靚靚即心有靈犀表示：「大聲說話。」
自嘲咀阿媽
此外，馬明於活動上發言時竟表示：「大家睇完套戲，都應該唔知我去咗英國拍…我同江美儀拍咀戲，佢之前演過我繼母，搞到好似錫我阿媽咁。（是否有所不滿？）有得去英國不知幾開心，其實係因為要集中所有人拍機艙戲，所以先要我飛過去啫。本嚟都有街景，但我要趕住返嚟拍《梟雄》嘛。至於江美儀，好彩對手係佢，第一日開工就要咀。」
至於朱璇「升呢」戲份不少教人意外，問到會否擔心被傳有「靠山」，她謂：「如果真係有，就做第一女主角啦。」
文：影視組