祖兒讚阿媽生猛掃食慶功

容祖兒前晚於澳門威尼斯人為一連兩場的《1314容祖兒世界巡迴演唱會澳門站》舉行尾場，穿黑色性感bra top兼騷纖腰出場的祖兒透露，去年10月起為今次巡唱進行地獄式減肥，又對歌迷說：「我平時咩都冇所謂，唯獨感情最觸動到我，無論愛情、親情，或者你哋對我嘅情，都令我好感動！」

之後祖兒唱出連串快歌，接着感觸說對過去一年有很深體會：「屋企人同自己身體都唔係幾好，令我諗起呢10幾年不停咁衝，其實最緊要係身體健康。」她又感謝母親支持：「上年做香港個騷時，唔知媽咪開始病，知道後好過意唔去。好彩今次可以同媽咪嚟到佢出生地，聽我演唱會。」隨後唱了兩首歌獻給母親。

祖兒換上靚歌衫表演勁歌熱舞。	容媽媽	祖兒拿着結他自彈自唱。

呻被賣甩

祖兒於巡唱尾段換上一套低胸高衩晚裝騷長腿，談到早前於頒獎禮奪「最受歡迎歌手十年大獎」，她說很感恩，又多謝老闆楊受成及經理人Mani。

完騷後受訪時，祖兒指下站巡唱6月才舉行，所以今次完騷後要食番夠本。祖兒又笑言來到澳門就被母親賣甩：「佢飛起我去買手信，佢一嚟到澳門就生猛晒！佢身體幾好，但每日都要有充足休息。」

問可有跟男友劉浩龍到澳門玩？祖兒指他已好熟路。另外，有讀者爆料指劉浩龍前晚都有欣賞祖兒的巡唱。