丁子高被騙徒冒名呃錢

丁子高前晚帶埋兒子捧老婆楊千嬅的紅館騷後，昨日清晨又參加渣馬比賽，他賽後表示千嬅個唱出現「呃飛黨」：「發現有人冒充我WhatsApp賣飛，涉及幾萬蚊，其中一個受害者係我朋友嘅秘書，畀人呃咗兩張飛，成千幾蚊，不過就冇得追討。」

問可有報警？他說不想「搞大件事」，已告知千嬅，並呼籲大家要小心騙徒，相信除他的朋友外，還有更多受騙者。另外，有讀者爆料指前晚睇騷時被穿制服的男人阻止走向台邊，又指對方有企圖非禮之嫌，記者致電大會，大會謂未收到投訴。