徐濠縈如廁抽筋累事

跑得之人徐濠縈和陳山聰跑足全馬，但阿徐成績比去年慢了兩分鐘，而山聰則有進步，以3小時50分鐘完成賽事，快過去年45分鐘。阿徐返抵終點表示對成績感失望：「根據我隻錶，應該係3小時52分鐘，比舊年慢咗2分鐘，有少少失望，可能天氣熱過舊年，我又戒唔到要去廁所，我一踎低又抽筋，嗰度失咗啲時間，要再練好啲體能。」她又預告將再出戰跑馬拉松：「農曆年會去日本東京跑馬拉松，希望可以破自己時間。（唔怕日本天氣凍？）我鍾意凍，平時都係着背心、bra top。（老公陳奕迅都去日本？）去呀，個女都去，林海峰都會去跑，我就當避年。（汗濕搞到飛釘？）唔緊要，我好開放，運動員嘛！又唔係走光，我唔姿整。」