Sharp醒雙琪
四台音樂頒獎禮已圓滿結束，作為本地樂壇第三張成績表的港台十大中文金曲頒獎禮，出席的女歌手，除了總結過去一年的成績和表現外，衣着打扮成為焦點所在，品味備受關注。當然有人成功搶鏡大獲好評，亦有人不慎失手，名模陳嘉容就大讚謝安琪與薛凱琪均有驚喜，又靚又sharp散發女人味。
謝安琪突出
「一般，好成熟又普通嘅晚宴打扮，deep V設計冇去到盡，露與唔露之間有啲尷尬、又冇嘢睇，一係就豁出去再性感啲，一係包實玩型格feel！條裙好鬆身唔fit size，冇乜美感，心口針老氣，個造型平平無奇，唔特別亦唔搶鏡。」
吳雨霏侷促
「條裙同啲accessories好靚好襯，但條裙將頸同手都封到實，顯得冇頸，成個人嘅線條冇咁修長。雖然有啲see-through設計都感覺侷促，冇咩平衡美感，如果着背心裙或者短裙，露手臂或露雙腿會靚啲。」
泳兒唔搶鏡
「一般，好成熟又普通嘅晚宴打扮，deep V設計冇去到盡，露與唔露之間有啲尷尬、又冇嘢睇，一係就豁出去再性感啲，一係包實玩型格feel！條裙好鬆身唔fit size，冇乜美感，心口針老氣，個造型平平無奇，唔特別亦唔搶鏡。」
連詩雅鄰家女
「條裙好普通，冇乜星味亦都冇壓場感，好鄰家女孩feel。條裙亦都騷唔到身材，凸顯唔到身形線條，髮型化妝都普通，成個打扮感覺好一般。」
薛凱琪加分
「有驚喜，有別於佢一貫少女打扮，散發出少少女人味，條裙夠閃又搶眼，提升咗視覺享受，顯得佢身形纖瘦修長，加分！髮型好clean，化妝亦適合佢，整體好靚。」
容祖兒失手
「裙款特別，成個造型幾突出，可惜望落去有啲累贅，顯得下身有啲肥胖感覺，同埋着到祖兒矮咗，今次有啲失手，嘥咗佢本身高挑纖瘦嘅身材。」
吳若希普通
「感覺似OL去cocktail party，唔grand又冇星味，髮型化妝都好普通，唔似歌手上台拎獎嘅打扮。膊頭off shoulder但又有啲頭髮喺前面遮住，露唔到鎖骨，感覺好重好亂。束起頭髮或者放啲頭髮喺後面會好啲。」
Profile
香港著名模特兒陳嘉容（Eunis），曾為各大國際品牌行時裝騷，在時裝界打滾多年，不論時裝的理論還是實戰都難不倒她，近年更為電視時裝節目擔任主持，化身stylist教人配襯衣飾打扮。