玩具大王蔡志明女兒蔡加敏（Carmen）與丈夫馬鴻銘前晚出席東華三院慈善晚宴，問到有否幫細佬蔡加讚湊女兒Celine？她說：「有湊埋，每星期成班小朋友都有聚會，Celine肥嘟嘟，成日笑。（成班小朋友邊個最惡？）男仔都係最惡。」二人又透露會留港過年。
另外，身為東華三院第四副主席的王賢誌透露已有兩年沒有做幕前，他說：「2018年會升做主席，呢幾年唔可以分心，而且又要幫公司健康食品做代言人。（戲癮發作？）有，有時晚宴表演當過癮囉！」他透露會留港過年，而下星期會先到日本旅行。
