鄭嘉穎幫手減壓錫住新歡

藝人鄭嘉穎昨日赴珠海出席鐘錶品牌新店開幕，吸引大批當地市民圍觀，引起哄動。雖然近日忙於為無綫拍攝新劇《殭》，但他仍不忘抽空到內地掘金，已是第二年為品牌擔任代言人的他，笑言酬勞有加碼，而自己一向也喜愛儲存手錶：「都有十幾隻，有平有貴，因為男士比起女士冇咁多飾物可以戴，戴錶感覺上會係有品味同風格。」

談到工作，他透露在新劇中飾演一名活死人，因此需要長期在夜晚時間開工，坦言仍有點兒不習慣。問到新拍檔謝安琪的表現？他大讚對方非常勤力：「阿聰（張繼聰）有時都會嚟探班，因為佢都喺隔籬廠開工。自己都有做過新人，有時身邊有個人介紹拍攝流程會更順暢，雖然我知阿聰都會教佢。（好多動作場面？）唔算話好多，（咁錫錫場面呢？）都係挨一挨啫。」

受注視會好驚

對於早前《好報》獨家拍到他於夜店「猴擒」咀女，問到拍攝吻戲可需要向緋聞女友報告？他表示現階段仍未出現需要報告的人，但言談間亦想保護對方：「圈外人可能會明，當一個人（意指女方）忽然備受注視，會好驚同唔習慣，需要面對家人同事，無疑會有壓力，亦希望畀少少空間我。」另外，他衷心祝福好友吳奇隆及劉詩詩結婚，指未有過問兩人會否補擺酒：「私人嘢就唔知，開心同幸福就得，外面（人事）唔太需要理，兩個人開心就OK！」