「江胡恩怨」六條視頻 足本睇！

Part 1：認曾鬧交互爆粗

胡漢清表示，覺得與江希文相處的日子以至整件事是布局：「江希文同我相處呢段時候，我覺得好似整件事都係布局嚟嘅，識得錄我以前同佢有拗撬，故意！之後用個攝錄機錄我，呢四個月我過得好辛苦。」胡漢清又表示與江希文鬧交時曾互相爆粗。

Part 2：揭江希文挑釁想分身家

胡漢清首度剖白與江希文的愛恨情仇，他坦言至少每個月都飛到英國探望她，但從江希文2014年4月從英國返回香港，就變了另一個人，表示若兩人不結婚的話，就要求沙宣道大宅加自己的名字，及要求要所有的附屬卡，明顯是想分身家。

Part 3：勸江希文咪做騷

胡漢清面對連日來的是非，坦言江希文當正他是敵人：「我一路都無開腔，一路無講嘢，如果你依家咁樣傷害大家，咁樣去數臭我，話我呢樣話我嗰樣，我覺得我哋兩個到頭來都係輸嘅﹗我哋都係個女嘅父母，我話你唔好，你話我唔好，點會對個女好呢？」

Part 4：入稟保護寶貝女

有意入稟法庭申請保護愛女的胡漢清，坦言過去幾個月，曾找協調員幫忙，但完全無成效，他說：「全部都唔睬，一定要去戰爭。攞唔到名分，就係破壞你嘅聲名。每一次數目傾掂咗，就反口。如果要攻擊我，咁樣去攞更多嘅錢，係會有反效果。」

Part 5：感激江希文爸爸支持

雖然與江希文反目，但胡漢清仍感激江爸爸的幫忙，他說：「Uncle Chris，江希文嘅爸爸，我好多謝Uncle Chris，我好多謝呢幾個月困難嘅時候，好積極咁幫我哋，搵到一個和平嘅答案，而佢係做到嘅，後來阿Liz（江希文）唔要佢做，唔要佢插手，我都明白。呢場騷為咗一個目的，就係冇地方住，先可以同法庭攞多啲錢，嚟畀Natalie（胡、江女兒），唔好咁樣做咁失身份嘅嘢啦。」

Part 6：聲淚俱下向母親道歉

自胡漢清與江希文拍拖，令胡漢清與媽媽關係搞得甚差，而他坦言受了很大的教訓，哭求媽媽原諒：「呢兩年我受到好大嘅教訓，亦都好大壓力。我想向我阿媽認錯，係應該帶眼識人，令到我阿媽唔願意返香港，我希望得到佢嘅原諒。」