譚小環拚命老闆娘捱到出疹
前港姐譚小環當年因拍劇而日夜顛倒，瘦得只有九十多磅，令老公下令要她以家庭為重。如今她再次挑戰自己，創業成為老闆娘，但亦因壓力大而導致生濕疹，難怪她自稱「緊張大師」。
94年港姐冠軍譚小環從事演藝工作十多年，2012年毅然息影。她坦言自己是「緊張大師」，回想拍劇時最怕「飛紙仔」，更曾因壓力而暴瘦至九十多磅。
骨瘦如柴老公心痛
她回憶說：「我從來都唔會容許自己遲到，有時好夜收工，但第二日要早開工，我會怕自己唔知醒，所以都瞓得唔好。」她坦言由於工作時間與老公蔡強榮（Eric）顛倒，沒有時間見面，加上老公見她骨瘦如柴亦感心痛，故勸她減少幕前工作，以家庭為重，她續說：「我都覺得自己拍咗十幾年，都滿足咗拍嘢嘅願望，所以就申請做主持工作，減少幕前演出。」
愛挑戰自己的小環，去年正式創業，但處理自己的生意仍難免緊張，親力親為的她說：「雖然我唔會緊張到瞓唔到，不過早排我就因為壓力而生濕疹。其實今次係我人生中第一次生濕疹，我開頭都唔知，但因為頸後面生咗一粒粒，而且又好痕，去睇醫生先知原來係濕疹。醫生話係天氣同壓力影響，所以先會生，依家靠食藥控制住，都冇咁嚴重啦。」
文：名人組
化妝：shu uemura