Cara G.吊鹽水夫代出征

香港時裝周昨日的閉幕騷吸引了名模周汶錡（Kathy）、歌手JW、名模馬詩慧大女王曼喜等捧場睇騷，眾人更穿上中式打扮現身。本來獲邀出席的混血女模Cara G.，因患上急性腸胃炎未能出席，身在醫院的她更上載吊鹽水的相片到instagram，看來病情不淺。

周汶錡法國滑雪

Cara對於缺席時裝周感到非常傷感，她表示老公Jesper已代她出席活動，以表誠意，她說：「我好頭痛，又嘔咗幾次，有啲胃抽筋。尋日（前日）Jesper喺醫院陪我陪到四點幾，今日（昨日）佢又帶湯畀我，陪咗我成日之後，仲代我出席時裝周，佢真係好好！（會否擔心患上致命的流感H3N2？）應該唔會，只係留院觀察兩日，多作休息，應該冇事痊愈。」

Jesper代替老婆Cara G.出席時裝騷。	吊鹽水。	周汶錡

Kathy則透露農曆新年將與老公往法國滑雪：「想去幾日，不過老公想去十日以上，我都嫌多得滯，我想去巴黎shopping多啲。（法國之前有恐襲，驚唔驚？）有啲驚，新年我都想陪吓家人，因為結咗婚之後都有人嚟(才豆)利是，想早啲返香港。」

王曼喜	曾昭怡與老公郭俊賢孖住睇騷。	JW

曾昭怡恩愛睇騷

時裝周另一場重點時裝表演Moiselle時裝騷前晚舉行，不少城中名人二代都是座上客，包括香港時捷集團主席嚴玉麟女兒嚴紀雯、四洲太子女戴凱欣、大律師周國豐伉儷等，還有熱衷於投資股票地產的曾文豪女兒曾昭怡，剛剛新婚的她前晚如連體嬰般翹實老公郭俊賢出席，甜蜜睇騷。

文：名人組