馬嘉均手語騷「晒冷」隨肌應變
前樂隊RedNoon主音馬嘉均將舉行獨立發展後第二個音樂會，馬仔為求突破決定「晒冷」獻技，除作手語表演外，更首次填寫Rap詞演唱，並在音樂會海報中大騷肌肉，又預告屆時歌迷反應會是他會否騷肌的關鍵！
馬嘉均將於今日在九展舉行手語音樂會，對於其主題是「再見昨天」，他表示想放下以往重新出發：「新一年要放低以前唔開心嘅事，好似隊Band散咗、感情事等。」音樂會的另一賣點是手語，他透露是受到聾啞歌迷影響，希望與他們多作溝通，問到其困難之處？他笑言：「我金魚記憶，記動作已經好難。」馬仔又指屆時會以話劇形式與手語義工團合作三首歌曲，更找來女主角與他合演：「今次我個角色都係Band友，但性格好唔同，佢係得個諗字唔做，女主角演我女朋友，佢本身有類似經歷，所以特別入戲。」
挑戰作Rap詞
為求突破，他更會首次唱Rap，並親自創作Rap詞，自問Rap的實力不強的他笑言練習時特別辛苦。同時他又積極操肌，以半裸姿態拍攝音樂會海報，他說：「平時畀人感覺好斯文，但其實我好極端，有時好瘋癲有時好靜，今次咁做想喺形象有突破。（歌迷反應？）佢哋係咁叫我喺音樂會除，如果歌迷夠熱情嘅會除衫！」
個唱搏到盡
其實馬仔在2007年入行，至2013年單飛發展，入行近8年間的他經歷樂隊解散，曾處於低潮的他坦言歌迷的支持是讓他堅持的原因，所以決定為個唱搏盡：「當初樂隊散嗰陣都唔知仲有冇人聽我唱歌，係佢哋令我有番信心，唔再覺得孤單。」他又指現時香港社會情緒太負面，以改變這風氣、帶給觀眾正能量的音樂為目標。
文：音樂組
攝：張福宏
髮型：Kuero@Hair Culture
化妝：Matt Li@A.P.O. Beautyworks
地點：Boomshack