陳華鑫反叛港姐「性」戰沈震軒

陳華鑫於2012年「的」起心肝完成童年的選港姐夢，其後加入藝員訓練班，現主力做節目主持及拍劇。原來當初對娛樂圈一無所知的Gloria，未計劃過入行：「當初選完港姐係諗住成件事完咗，唔會再接觸娛樂圈，之後喺未面過試嘅情況下，無綫直接通知我入咗藝員訓練班，咁我就去試吓，跟住開始自己嘅演藝路。」

多得鄭丹瑞

入行短短兩年，Gloria坦言幸得老師鄭丹瑞教路：「我唔係呢行嘅人，入到訓練班係由零開始，唔知咩係Roll機、借位。當時訓練班嘅導師係鄭丹瑞旦哥，佢好錫我哋，又教識我好多嘢。依家成班訓練班同學不時都會出去食飯，新年又會去旦哥屋企拜年。」

在《性在有情》中，陳華鑫與沈震軒發展師生戀。（資料圖片）	入行日子尚短的陳華鑫仍在學習。	選港姐令陳華鑫（右一）取得不少經驗。

愛上拍劇的Gloria現正忙於為新劇《性在有情》開工，在劇中談談情說說性之餘，更挑戰自己演學生妹，開展師生戀：「依家我拍緊《性在有情》，題材係有關性，雖然呢個話題敏感，不過我睇過劇本，全部都係點到即止。」

拍劇當挑戰

Gloria續說：「今次拍劇係個好好嘅挑戰，我飾演陳敏之個妹，係中學生，鍾景輝同盧宛茵演我父母。仲會做一個反叛兼情竇初開嘅女仔，同演老師嘅沈震軒有感情線。」

文：專案組

場地：Snap HK@ 旺角

髮型：RAY @DAZ