張建聲搵Coffee狂操拉筋呻吟
藝人張建聲請教老友Coffee（林芊妤）偷師練瑜伽，為了極速減肥，強忍痛楚默默呻吟：「我就嚟爆煲！」Coffee開班教瑜伽靠樣靚分散學生痛楚，笑指香港男仔普遍「筋」硬。
蕭定一旗下藝人張建聲（Justin）早前為拍電影《壹獄壹世界》激增六十磅後，現因趕拍另一套由葉念琛執導的電影《末女神探》，決心在廿日內速減十七磅。不過Justin深知單憑一日一餐和舉鐵做gym並未足夠，故特意邀請老友Coffee教做瑜伽，多管齊下趕消脂。
「就嚟爆煲」
他說：「答應咗葉念琛要減廿磅，角色係喺《末女神探》演導演，依家仲爭三磅，我就嚟爆煲！」雖然Justin踢慣波，但起初在Coffee指導下拉筋已面露痛苦、更默默呻吟，當Coffee在公園鐵架上凌空做瑜伽動作揮灑自如時，他卻只能有樣學樣做幾秒，到Coffee倒立時Justin更直接放棄，直豎拇指帶過！
對於當日Justin的表現，Coffee未言滿意，更建議他報名入班，她說：「筋硬係普遍香港男仔嘅弊病，佢哋覺得做gym係做運動，不斷舉啞鈴，其實咁會傷到啲骨同關節。」問Justin會否感辛苦？他即時賣口乖：「有個咁靚嘅老師，我覺得我會科科一百分，搞到我唔知上堂好定睇佢個樣好。」Coffee即反駁說：「有少少機心，等佢望住我時可以分散痛楚。」
舉鐵好痠痛
距離目標減至一百五十磅的Justin至至今尚欠三磅，不過對比之前激增六十磅已開始回復自信心。雖然多管齊下的他外形變好，惟有苦自知，他笑說：「呢排舉鐵做gym，搞到gel頭換衫啲肌肉都好痠軟！」看來他真的需要多跟Coffee做瑜伽，拉筋鬆肌減痛楚！
文：影視組