關楚耀怕熱鬧驚爆精神衰弱
歌手關楚耀（Kelvin）近年成為新一代「宅男」，無論收工、放假總匿埋屋企打機、整魚缸，比起當年喜愛夜蒲180度轉變。Kelvin承認精神上有小毛病，但講不出原因，故決定尋求心理醫生，他說：「應該都係都市病。」
關楚耀（Kelvin）去年底參加內地歌唱比賽節目《2014咪王爭霸》再度人氣急升，返港後獲不少品牌力邀出席時裝活動，搖身一變成為新一代「型男」。工作排得密密麻麻的Kelvin，近月開始為年中推出的新專輯錄音。單身多時的他笑言：「都單身咗三年。（冇女埋身？）話冇都唔信，自己唔細都識擋。（好Dry？）係呀，唔掂喇。」
享受家庭樂
Kelvin入行時常被拍到夜蒲，但近年卻反而多被拍得與家人家庭樂。Kelvin解釋：「少年輕狂，個人大咗踏實咗，唔好嘥時間。依家好多時都留喺屋企，玩吓狗、打機。近排鍾意養魚不停整理魚缸。」性格行為大不同的Kelvin，被問到是否有情緒病？他直認：「都覺得有少少。以前好鍾意熱鬧，依家反而有少少抗拒，鍾意留喺屋企。」
向醫生求診
問到會否考慮睇心理或精神科醫生？Kelvin認真反問記者：「有冇介紹？我講真。」隨即自爆曾懷疑自己有精神病。由於當年他涉嫌在日本藏毒，搞到母親精神緊張要睇精神科醫生，Kelvin續說：「有諗過同埋媽咪去睇。」
採訪：音樂組
攝影：張福宏