(16)方詩揚否認整容：以前肥20磅
今年華姐是非尤其多，繼早前網上起底後發現多位佳麗愛以性感造型玩Cosplay外，昨日更有讀者爆料指(16)方詩揚去年參選多倫多華姐時是內定冠軍，而(10)李嘉馨則喜愛夜蒲，令是次華姐更添話題性！
《2015國際中華小姐競選》將於周日（25日）舉行，昨日十八位候選華姐聯同四位評判朱璇、張曦雯、張嘉兒及張名雅，一同在將軍澳出席「候選佳麗最佳民族服裝演繹活動」。與(9)葉靈夢竹同樣以啦啦隊服飾上陣的(16)方詩揚表示不怕比較：「球衣都有少少唔同嘅！」她更重申自己沒有整容：「之前比依家肥廿磅，舊年參選多倫多小姐嗰陣已經減咗13磅！」
無奈被指白鴿眼
有讀者更爆料指方詩揚參加2014年多倫多華姐時為內定冠軍，她接受本報電話訪問時坦言認識其中一個贊助商，但不足以影響賽果。對於她人前清純、人後白鴿眼之說，方詩揚亦無奈地表示：「我係nobody（小人物），又點會白鴿眼人呢？（有指你扮單身？）我依家的確係冇男朋友。」同時有讀者爆料指，報稱自己為大學生的(10)李嘉馨學歷並非大學生，22歲才畢業於高中的她學業成績不佳，現於西餐廳做服務生已有8年之久，更有指李嘉馨實為一名「蒲精」，經常又煙又酒。
許愫恩艷壓全場
昨日勇奪「最佳民族服裝演繹」獎的(7)許愫恩及來自溫哥華的(17)陳怡靜更被評判朱璇及張曦雯睇高一線，認為她們具有冠軍相，張曦雯更笑言：「年年溫哥華都係大熱！」同時朱璇更力讚(15)蔡美霆，她說：「雖然細粒咗啲，但係笑得好甜！」被一致睇好的許愫恩表示：「係一種肯定吧，自己能夠漸漸從容。（擔心廣東話唔流利？）一直都有努力學，不是一個障礙。」
文：專案組