錢嘉樂備案盈盈搶先試咀
錢嘉樂與黃智雯昨日於電視城為新劇開鏡拜神，由於早前試造型時嘉樂已預告在劇中與智雯會有親熱戲，昨日他大爆被太太湯盈盈要求為咀嘴戲率先「試戲」！
藝人錢嘉樂、黃智雯、朱千雪、朱晨麗、袁偉豪及洪天明等昨日在電視城為無綫劇集《拆局專家》進行開鏡拜神儀式。談到新劇中動作連場，嘉樂直言毫無難度，但他笑稱要與智雯親熱實在「難搞」！他大爆被太太湯盈盈「(目及)實」劇本內的咀嘴戲份，對方更揚言要親身「試戲」。嘉樂說：「佢睇住我劇本有冇咀戲，如果有就話可以同我試吓戲先，佢望實我呀！（屆時盈盈監場？）唔會，大家都專業，所以備案好緊要！（咀戲投入唔到？）唔投入點會好睇，做咗咁多年分到（太太及工作）嘅！」
嘉樂又自爆特意為該劇減磅：「減咗7磅，約埋鄭敬基跑步。（太太陪跑？）佢要湊女。」身為飛車高手的他表示為黃智雯「惡補」駕駛技術：「可以分享下啲手勢，不過試坐佢車都幾驚，佢連指揮燈都唔知喺邊，好似無牌咁！」
補鐘學單手捽軚
同場擔任女主角的黃智雯透露是首度演出曾沉淪毒海的角色：「我喺劇入面做法律顧問，但之前曾經殺人同吸毒，會反晒白眼！」談到與錢嘉樂兩度合作，將演「飛車」戲的她興奮表示獲對方「補鐘」教車：「佢坐隔籬教我單手捽軚！不過我有（駕駛）牌四、五年都仲好懵同緊張！」
而於新劇飾演電腦黑客的朱千雪則表示會出動私伙飾物塑造反叛形象，她又笑稱曾於外國玩電腦遊戲時，因下載過量數據而被警告。
文：影視組