陳凱琳姊妹淘法憤圖強
新世代演員陳凱琳、陳瀅、何雁詩、劉佩玥等在無綫新劇《四個女仔三個BAR》中揮灑青春，矢志成為律師的四個女仔因互相扶持而成為姊姊淘。她們在見習生涯中化身「貼身侍婢」，緊隨師傅黃智賢、蔣志光、鄭子誠學習法律知識，與劇迷共享成長經歷。
無綫新劇《四個女仔三個BAR》將於周一首播，喜愛用新人的監製陳維冠安排四位「法律界新人」陳凱琳（Grace）、劉佩玥、何雁詩、陳瀅，以及「法律插班生」張繼聰上陣，眾人齊齊向師傅黃智賢、蔣志光拜師學藝，在艱辛學習過程中互相扶持，令嚴肅話題頓時洋溢青春氣息。
獲前輩指點獲益良多
四位新世代演員成功呈現角色所需的青澀，監製更安排前輩級演員黃智賢、蔣志光、鄭子誠等飾演「BAR」（Barrister，大律師）。身為見習律師的Grace、何雁詩、陳瀅及張繼聰化身「貼身侍婢」，緊隨多位師傅進出法庭，除了獲指導成為大律師外，更在演技上獲益良多。
與張繼聰發展同窗戀
Grace與張繼聰雙雙「拜師」黃智賢門下，個性獨立的她更在劇中與張繼聰發展同窗戀，從朋友漸漸成為曖昧戀人。身為電視新人的Grace笑言從前輩身上得到不少演技錦囊：「佢哋係好有分量、演技好好嘅演員，佢哋教識我去理解對白同培養感情，真係學識好多。」她透露角色的經歷相當艱辛，很有挑戰性，希望能像角色一樣成長：「自己好鍾意呢個角色，佢係好內斂、好傳統嘅女仔，天生有讀寫障礙但依然以大律師為目標，積極證明自己可以填補人生缺陷。」
陳瀅多經歷不再幼稚
四個女仔當中，名門出身的陳瀅（Jeannie）與屋邨妹何雁詩雖然成強烈對比，但二人感情卻最為深厚。Jeannie稱：「因為角色性格反差大，反而對手戲演起嚟更舒服，多個空間去配合。而我哋嘅戲多數係搞笑，希望觀眾睇得開心。」
Jeannie與監製陳維冠早已有合作經驗，問演出時是否備受照顧？她笑言：「佢好放心畀我演，花多咗時間去照顧其他人，如果佢睇實我，我反而會好緊張。（再演嬌嬌女擔心被定型？）監製再畀新挑戰我，今次會由幼稚細路女成長為大律師，多咗好多經歷，角色亦比較成熟。」
首次拍劇的劉佩玥（Moon）表現亮眼，飾演見習事務律師的她獲監製讚表現淡定，他謂：「佢主持出身，演出好淡定、好自然，相信佢會係受觀眾歡迎嘅新面孔。」
唐詩詠演技大考驗
備受力捧的唐詩詠，首次升呢與黃智賢、蔣志光、鄭子誠等並列前輩，更與劇中師傅鄭子誠發展曖昧師徒戀。對年紀輕輕的詩詠而言，角色風格相當成熟，她亦承認難度甚大：「好多謝監製畀機會我，咁成熟嘅角色都係第一次。因為角色個性比較Cool，佢都提示我唔好笑，唔係會暴露咗個天真笑容出嚟，所以我喺現場都唔多講嘢。」
為了演好角色，詩詠向法律界好友尋求指導：「向執業大律師林國輝學咗個幾月，法律知識同演律師嘅感覺都參考佢，好多謝佢嘅支持。」提到與子誠的師徒戀，她笑言：「子誠係好好嘅對手，談咗一場好成熟嘅戀愛。我哋角色經歷過好多嘢，但係用咗好少畫面交代，算係演出最大難題。」
文：影視組