張敬軒收義乳賀壽
張敬軒在剛結束的四大音樂頒獎禮封「獎王」後，昨日英皇為他的演唱會DVD舉行祝捷會，更送特製的「巨乳壽包」為軒仔預祝生辰，祝軒仔高峰一個接一個「打孖上」。
張敬軒為《Live in Passion HINS張敬軒演唱會2014》Live DVD祝捷會，並穿長衫打扮出現，大擺功夫甫士，軒仔表示喻意新一年大展拳腳，更笑謂：「我係一代中醫。」軒仔稱之前為出席電影節特別花五位數訂造兩件唐裝，但最後他未有出席，故趁今次祝捷會來穿。現場給軒仔頒發雙白金唱片銷量獎，經理人霍汶希（Mani）送上機票作禮物，軒仔即填上目的地為「馬爾代夫」，並表示想有10日假期，Mani笑言公司送機票但未必批假，後又大讚軒仔成績好答應讓他放假，軒仔則送上水晶拳套給Mani回禮，希望她新一年為他的事業重錘出擊。
DVD奪雙白金
將於2月1日34歲生辰的軒仔，獲英皇提早慶生，行政總裁吳雨送上一對「巨乳壽包」祝壽，還抵死笑軒仔：「嘩！呢個我鍾意，但張敬軒唔會鍾意喎！」軒仔見到「雙峰」不禁笑道：「嘩！一對義乳！」吳雨表示祝軒仔能一個高峰再創高峰，軒仔大讚：「條事業線好長喎。」兩人拆開「義乳」取出小壽包來吃，吳雨又從包內取出一個USB給軒仔，叫他放假時作歌。
軒仔曾稱演唱會不準備出DVD，但最終順利推出還奪雙白金成績？軒仔感謝前唱片公司Duncan幫忙解決歌曲版權問題，因個唱上八成歌都是環球歌曲，亦感激關淑怡和王菀之的唱片公司，才能保留嘉賓演出部分，令DVD完整推出。
軒仔又主動為吳若希被指「攝位照」平反：「我哋一齊攞贊助商嘅獎，嘟姐叫我哋三個合照，咁啱我同祖兒扮錫嘟姐，吳若希縮開咗，我哋叫番佢一齊影，所以佢先做咗咁表情。」
文：音樂組