婷婷性感底線 毋須清場

謝婷婷昨日以代言人身份為脫毛品牌拍廣告照。以白色開胸裙上陣的她，預告將挑戰性感底線：「會着三點式泳衣同內衣。（咁性感酬勞好好？）因為關於脫毛，係應該嘅。（對身材有信心？）當然有做準備工夫，早餐搾菜汁，有時拍嘢就一個飯盒食三餐，食好多泡菜同西柚，維持咗兩、三個星期，日子愈近拍廣告就愈keep得犀利。今次係露背而前面有塊鏡所以見到前面。如果拍戲上身唔着衫，但前面遮住睇唔到、露背，我ok，睇劇本角色。（要唔要清場？）喺工作環境大家都好專業同專心，唔會有歪念。（唔驚第時嘅男友唔鍾意？）之前都無試過有男友會唔鍾意，自己揀工作方式有個限度，對方會好信我，對我有信心。」