渡海濠情：一見鍾情感情深厚
美國有位兩性問題女專家喺報紙撰文指出，同男友互望咗四分鐘就墮入愛河，仲話憑佢經驗所得，所謂一見鍾情原來真有其事，而有人只望幾秒亦會中招，好似嚟自9號會所嘅Vicky就話：「我望三秒就知係佢啦！」
四目交投
Vicky話：「我從來都唔信會一見鍾情，以為只係愛情小說裏面嘅呃人題材，但自從遇到我男朋友後，我就確信有一見鍾情嘅存在，話說一年前我啱啱失戀，於是啲姊妹日日都安排相睇節目畀我，大大話話見咗成百個男仔，但係冇一個挑起我嘅興趣，所以後嚟好多姊妹嘅飯局我都推晒，惟獨我有個由細玩到大嘅姊妹，佢話搵到個好啱我嘅男仔，一定要畀面出嚟見面，我見十幾年姊妹，唔想推佢，於是咪出去見吓囉！點知去到餐廳，我姊妹都未介紹，個男仔只係起身打個招呼，我哋四目交投，即時大家眼定定，互相都畀對方迷住一樣，我估都定咗有三、四秒，但就覺得時間好耐，唔係個姊妹大聲咳幾聲，我哋都唔識得清醒過嚟，最後同個男仔一見如故，馬上就做咗好朋友！」
心有靈犀
咁樣現任男友跟以前冇一見鍾情嘅比較，兩者又有啲乜嘢分別呢？Vicky話：「我同家陣嘅男朋友感情特別好，有好多嘢大家都唔使點講出口，就好似心有靈犀咁樣，例如我哋每次拍拖，佢帶我去嘅地方都係我最喜歡嘅，又或者我安排嘅節目，亦係佢最喜歡嘅，所以我哋好少鬧交，就連親密接觸我哋都唔使多講，大家都能心領神會，而且十分合拍，每次都搞到我典床典蓆，死去活來，唔似以前啲男朋友校好晒姿勢、方位、力度，但總係撻唔着我，次次都唔能夠盡興，你話幾慘吖！但自從認識咗呢個男友，性生活完全冇問題，而且仲十分精彩添！所以一見鍾情呢件事，我絕對相信，但要搵個咁樣嘅男友，就唔係一件容易嘅事，姊妹們加油吧！」
Vicky's Profile
年齡：20歲
三圍：34-24-35
撰文：小德
攝影：阿程