王浩信捱冷爆肌裸跑
王浩信、歐陽震華及萬綺雯等現正於無錫為無綫劇集《東坡家事》拍攝，昨日當地氣溫僅得兩度，但浩信要半裸上身抵冷拍攝，向來身形fit爆的他大騷六舊腹肌。昨日拍攝的場口講述浩信要跟李霖恩對打，他臨急使出一招金蟬脫殼。
記者致電給身在無錫的浩信，他坦言拍攝時相當凍：「拍之前我都係咁舉攝影組啲道具，好似啲器材篋嚟熱身，之前我拍《樓奴》，裏面話我係少年廚神，要肥肥哋，之後就開呢套，而且戲份多，場口又密，操練時間較少，嚟到呢度要食得好清，好似雞柳、蛋白咁，不過呢邊好凍，劇組飯餸都好油，所以我要用水浸過啲嘢先可以食，只可以盡做，希望效果好，拍之前喺皇宮景附近跑咗十幾個圈，可能血糖低，都暈暈哋！」
林子善任女摸
同劇的萬綺雯則於微博留言謂：「點解偏偏選我休息嗰日除衫！唉！」而歐陽震華則留言：「你同我睇住嚟！」而浩信太太陳自瑤則稱佩服他。
此外，不時晒肌的林子善昨日於微博再晒大隻照，更找來「兄妹」馬國明、唐詩詠齊齊操練，詩詠更忍不住伸手摸子善腹肌。