祖兒縮短演出怕阻人發達

樂壇天后容祖兒昨日現身排舞室，為即將在本周五、六一連兩晚舉行的《太陽城集團呈獻 1314容祖兒世界巡迴演唱會 澳門站》綵排，跟舞蹈員又唱又跳，更被眾猛男倒吊擺Pose拍照。

祖兒稱澳門演出內容跟香港大致一樣：「不過我收到個指令，就係個騷可以短少少，唔好阻住大家發財。」問到在服裝方面會否跟演出一樣「短少少」？ 她笑說：「到時真係會有新嘅歌衫，因為知道會有唔少香港歌迷去睇，不過應該係窄少少同長少少。」

自嘲鄉音勁

談到日前在勁歌頒獎禮尾段，勇奪「最受歡迎歌手十年大獎」後演出一連串歌舞，但在電視直播中祖兒唱到一半已經完結，要到第二日才重播她的表演片段，有網民替她不值，直斥無綫不尊重祖兒，對此她說：「第二日播番都好尊重，好多謝佢哋，有時直播節目有好多變數，所以冇辦法。」

提到當日在台上領獎時不停講錯發音，將Do姐（鄭裕玲）講為「姑姐」，公司英皇娛樂則變成「冤枉娛樂」，祖兒笑說：「我真係有語病o架，一緊張就會講歪音，聽番當時唱《未知》時，直頭變咗鄉音版，的確一驚就現真身。」

有指謝安琪經理人指其公司藝人少，所以在頒獎禮上只得兩個獎，似暗指英皇藝人多故才獲更多獎，對此祖兒說：「唔係計人數，每個頒獎禮都有佢準則，其實歌手嘅付出唔會白費，一定有佢嘅知音。」

文：音樂組