田蕊妮質疑：搞咗有糧出？
亞視搞《萬眾同心撐亞視》騷望助解欠薪風波，無綫亦找藝人拍片鼓勵，亞視舊將田蕊妮昨日表示雖未獲公司安排，但會支持亞視令員工有糧出的舉動，但她也反問：「係咪搞咗就有糧出呢？」而亞視執行董事葉家寶昨日在記者會被問到有錢搞騷，卻不發薪一事，他澄清現時以出糧為首要考慮，並說：「乜都唔做更加冇額外收入。」
亞洲電視仍拖欠員工薪金，亞視執行董事葉家寶為解困已出盡法寶如加推廣告，又得亞洲會幫忙於1月23日舉辦大騷《萬眾同心撐亞視》救亡。
現時除一眾星光幫和亞視新知舊雨在《萬》騷義演外，無綫亦助藝人拍片鼓勵亞視，原一直以為會找亞視舊將如萬綺雯（蚊蚊）、田蕊妮及陳展鵬等人拍片，但據知無綫已找來一班星夢歌手以及周柏豪、羅力威等，聯同其他無綫藝員共約15人拍片鼓勵，當中羅力威是亞視出身。
萬綺雯郭晉安願拍片
阿田受訪時稱暫未獲公司安排，但會支持亞視令員工有糧出的舉動，但她反問：「做老闆唔係應該要出糧咩？搞個騷都唔知係咩原因，係咪搞咗就有糧出呢？（身為前亞視藝員不支持？）以前嘅亞視唔同依家嘅亞視，依家嘅亞視我唔認識。」同為舊將的蚊蚊和出爐視帝郭晉安皆稱若幫到亞視出糧拍片也無妨，待公司安排，安仔更說：「我好幸福喺無綫28年，好穩定一級級上。」
葉家寶指唔做乜都冇
昨日葉家寶出席《萬》騷義演記者會，同場還有羅霖、朱慧珊和劉錫賢等人，提到有錢搞《萬》騷而不發薪，家寶就澄清現時會以出糧為首要考慮，今次《萬》騷會以成本不足十萬元，為亞視帶來六位數字收入，他說：「乜都唔做更加冇額外收入，要兩方面（收入和發薪）做到平衡。」
他又透露《萬》騷當晚除了播放由無綫藝人拍攝的鼓勵短片外，有線和nowTV亦會派藝人出席支持；而當日義演騷所用的拜神乳豬，則由有心人贊助。另外，家寶早前提過會邀請徐小鳳、張德蘭及薰妮於《萬》騷義演，亞視公關回應前兩者依然待覆，薰妮已答應出席。
文：影視組