婷婷難捨舊愛 李治廷戀情冰封
謝婷婷去年尾與戴尚安（Sean）分手，而李治廷亦傳與緋聞女友范冰冰情海翻波，遭內地男星李晨介入，同受情傷的婷婷與李治廷昨日現身新年活動，婷婷早前被《好報》拍到與Sean密會，問她是否復合﹖她否認：「啲相係11月影，我哋最近無聯絡，唔係復合。（有冇機會復合？）都冇。（咁斬釘截鐵？）因為新一年要向前看。（你哋合作嘅展覽點算﹖）如果時間夾到我會出席，因為啲相嘅主角係我，我都要支持自己。」至於新年，婷婷透露要到歐洲出席時裝周，故打消回加拿大的計劃。
至於李治廷，問他是否與范冰冰分手？他說﹕「講番新年嘢啦，向來唔使問呢啲，我真係唔想回應。（依家有冇拍拖？）唔希望私人生活咁高調。（有傳李晨同冰冰見家長？）放過我啦！我冇嘢講。」
「男人心聲」
談到與冰冰及李晨合演的內地劇《武媚娘傳奇》收視超高，李治廷即滔滔不絕說：「好開心，因為大家拍得好辛苦。（內地刪走谷胸鏡頭。）我唔知刪咗啲乜，香港版應該有啲唔同。（刪咗好嘥？）男人心聲，作為演員，套劇多人支持已經好滿足。（唔覺得美中不足？）呢行係遺憾藝術。」
