宣萱自責為病犬停工

藝人宣萱（Jessica）前晚出席好友羅敏莊（Mimi）主演的音樂劇首演活動，特地現身撐場的Jessica透露家裏11歲的愛犬不幸患上肝癌：「睇吓點樣可以令佢舒服啲，依家有畀靈芝佢食。」她續表示將留港照顧愛犬，把計劃了半年的旅行計劃押後，又自責說：「前排佢有痾同嘔，我本身以為狗仔咁樣好正常，但原來佢係畀咗signal我，工作都唔會做住，因為隻狗對我嚟講好重要，以前試過狗仔有病，我飛咗去新加坡做嘢，佢第二日就走咗，唔想令自己後悔。」