祖兒無敵手 下次想攞金針
樂壇天后容祖兒前晚在《勁歌金曲頒獎典禮》10奪「最受歡迎女歌星」獎，無綫似為修好關係特設《最受歡迎歌手十年大獎》給祖兒，被問到年紀輕輕已奪「老人獎」，下次可能攞「金針雲耳獎」，祖兒笑稱愛吃金針雲耳：「佢畀得起，我攞得起呀。」
《勁歌金曲頒獎典禮》前晚順利舉行，樂壇天后容祖兒勇奪4個大獎，她在後台受訪時被問到壓軸奪得《最受歡迎歌手十年大獎》，她事前是否知情？祖兒坦言：「知，唔係點會換晒衫，不過唔係早知，係叫咗我安排一段表演，其實得到呢個獎都好鼓舞。」
祖兒承認這個「十年老人金牌」讓她好感動，有毛管戙感覺。講到最大的獎已成功得到，下次可能要攞「金針雲耳」獎才行，她即笑說：「金針雲耳都唔錯，依家地球暖化，好多嘢都好快發生o架，可能下年就攞，佢畀得起我攞得起。」提到電視最後只播出一首歌，祖兒坦言有少少失望，因事前很用心綵排，但也明白這是直播節目。是否因張敬軒奪「最受歡迎男歌星」感言太多？祖兒笑謂：「咪係囉，真係有金枝慾孽o架，畀佢搶晒時間，但佢攞獎我都好開心，佢係我最好朋友之一。今年大家各有挑戰，佢做完舞台劇有情緒方面（問題），我就家庭方面（問題），大家互相鼓勵，夜闌人靜會短訊畀大家。」
盡快嫁免媽媽操勞
可覺無綫為修補與英皇關係而給她增添「大獎」，令她及英皇成為大贏家？她表示獎項交給公司安排統計，自己做好演唱和講感言，每人對自己的好都會謹記於心。談到每次提起媽媽都會想喊，祖兒說：「一直以來以為一齊拚搏，但反而好似累咗佢咁有病，因為媽咪係好緊張嘅人，我就超級樂觀不拘小節，可能一啲小事都會畀到佢無形壓力，所以自己反省過，無論工作點成功，家人健康兼顧唔到我都係失敗。」 講到早些嫁人有人照顧就不用媽媽擔心，她怕羞說：「呢樣嘢當然就……其實阿媽最想我唔使做，但我真係做好鍾意做嘅嘢！（所以搵半邊仔照顧你？）再觀察吓先啦。」
至於初嘗「最受歡迎男歌星」滋味的張敬軒開心表示：「因為只有TVB會用『男歌星』三個字， 覺得呢幾個字好勁咁，因為『歌星』好似全能啲，歌手好似淨係唱歌，好似以前梅姐（梅艶芳），哥哥（張國榮）佢哋全部都係歌星！」
張敬軒請恩人食飯
軒仔稱有好成績會請同事及恩人食飯慶祝，並笑謂希望用獎項數量向經理人Mani換假期，一獎一日假，應有十多日可去旅行，而他已全年沒放假，但換來12.5獎是值得的。
提到密友關智斌已返港，是否專程回來為他打氣？軒仔謂：「我睇祖兒微博話佢走咗啦，佢好似返嚟係簽糧單出糧過肥年！」問到軒仔的糧單是否比前賺得多？他坦言：「一定多咗嘅，因為有個新嘅代言廣告。」他又取笑祖兒在台上把DO姐叫錯「姑姐」，又形容他這晚的駿馬造型叫「媽姐」。
文：音樂組