陳凱琳溝仔得啖笑
應屆華姐冠軍陳凱琳昨日在將軍澳為新一屆華姐擔任嘉賓，對於與陳山聰拍劇傳緋聞，她說：「得啖笑啦，每個禮拜都話我有新男友，係真咪好唔得閒。（山聰專追有錢女？）唔關事，出得去拍嘢，成班同事自然會Close啲。」陳凱琳為被抽中試戴后冠的奥克蘭佳麗(2)金詩迪戴后冠。
陳凱琳坦言睇好香港佳麗(6)邵珮詩，覺得她夠大體、淡定、對答清晰；亦看好西雅圖佳麗(13)李卓兒及悉尼佳麗(15)蔡美霆。過往試戴完后冠的佳麗大多與冠軍無緣，(2)金詩迪則說：「自信是女孩子的皇冠，最緊要有自信，有得試戴后冠已經覺得好幸運。」(2)金詩迪出場時動作慢半拍，她解釋：「平時唔係咁，今日大場面第一次見大家，希望保持最好狀態認真啲，可能少穿高踭鞋。」
