江若琳接job重質棄錢途
藝人江若琳昨日出席籃球活動時，表示現階段的工作均由自己洽談，但就採取「寧缺勿濫」的態度，講明不會為銀碼而放棄工作質素！她還透露即將開拍一部內地電影，踏入文藝女青的道路。
藝人江若琳（Elanne）、楊思琦、模特兒Jessica C.（JC）等昨日出席慈善籃球賽，各人均穿上籃球戰衣落場展示運動天分，把現場氣氛推至高峰！仍為自由身的Elanne透露現時所有工作都是親自洽談，包括是次的內地文藝電影，她坦言：「雖然依家接工作係難啲，但我一定唔會咩都接，一定要重質素，好好彩搵親我嘅工作都係幾好。」
剛返港的Elanne表示明天即再投入工作：「先去馬來西亞做嘢，之後就去重慶拍文藝電影，向文藝女青進發，套戲嘅對手全部都係內地演員，自己好鍾意個劇本。」她透露角色是一位遭受家暴的女人，需要到鄉村取景，並已經做晒悲情嘅心理準備。
陳偉成Yumi零交流
而楊思琦被問到吳帥是否回來爭奪女兒撫養權？她笑說：「真係好搞笑，絕對冇呢件事發生，大家唔使擔心！」她續透露絕無跟對方聯絡，從沒擔心對方回來搶女！同場打波的還有陳偉成，舊愛尹蓁晞（Yumi）則是座上客，但兩人零交流，看來Yumi並非來捧前度場。另外，JC表示經常跟男友安志杰一起做運動，問到將如何度過首個情人節？她甜笑說：「希望我哋到時會喺同一個地方啦，（期望有驚喜？）通常都係佢畀驚喜我，禮物唔需要喇，最想係一齊過！」JC更跟半個媒人伍允龍十分好傾。
文：名人組