陳豪踩入MK惹衝突
藝人陳豪（阿Mo）、蔣志光和朱咪咪等昨日在旺角為無綫新劇《鬼同你OT》，拍攝在鬧市中找尋「腦電波」戲份，引來不少路人圍觀，更有途人發惡鬧附近店舖員工，令拍攝一度停頓。阿Mo則謂：「希望快啲拍完離開，唔好阻住人做生意！」咪咪姐就直言太多人圍觀拍照：「太多路人堆喺舖頭門口，啲店員只係叫佢哋唔好塞住，就鬧交喇！（怕影響進度？）大家都係文明人，講幾句算o架啦！」
而戲中咪咪姐四秒谷眼淚，阿Mo就坦言自己不及對方：「咪咪姐叻好多！」咪咪姐笑謂：「我對眼太濕，拉番勻，所以皮膚好乾！」而阿Mo在拍攝時為遷就對方高度，施展「禮貌腳」，令緊張的場面緩和不少。