陳敏之生仔賀壽 張兆輝「糕」興求婚
陳敏之昨日開工拍攝求婚、生仔等戲份度過36歲生日，張兆輝、阮兆祥和許紹雄三位拍檔猛男就精心安排驚喜環節送蛋糕，搞到女方極之開心！而祥仔又透露晚上開廠會為敏之再送驚喜。
藝人陳敏之、張兆輝、阮兆祥和許紹雄昨日在香港大學為無綫新劇《性在有情》，拍攝輝哥向敏之求婚戲份。碰巧昨日是敏之的正日生日，三位猛男與劇組就特意準備好鮮花和生日蛋糕為敏之送上驚喜。本身以為是排戲的敏之，見到眾人落足心機後，即時變得心花怒放，並立即感謝三男，場面溫馨。
她坦言夜晚要返電視城拍廠景，所以前晚已經和家人朋友慶祝：「今晚（17日）喺廠仲會拍生仔戲，好有意義，我阿媽今日生我出嚟咁辛苦，生日拍生仔戲好正！」問老公送了甚麼禮物？她就直言只是電腦用品：「冇乜Surprise！（呢兩日都食好多蛋糕！）唔怕長肉！開心嘅蛋糕一定要食！」
Dry爆收護膚品
問36歲生日的敏之會否屈三位猛男送禮物？在旁的輝哥就笑謂：「佢咁多禮物，使咩再送！」卻在衫袋中拿出一張心意卡給女方，令女方笑得甜絲絲：「吓，仲有？佢知道我呢排皮膚好乾，都送咗好多護膚品畀我！」不過她就呻老公當時的求婚場面不夠戲中浪漫：「拍戲一定浪漫啲，真實好求其！（扭計叫佢浪漫啲？）扭計嘅話佢當日就唔會娶我！」至於祥仔就拉記者到旁邊說：「其實夜晚仲有驚喜！準備壽司同香檳！佢私底下話想食壽司，所以靜靜雞call壽司！」
文：影視組