周麗淇詐型做家姐一殼眼淚
耗資巨額炮製的大型古裝宮廷劇《衛子夫》明天終於登陸香港，劇中雲集多位實力派演員，其中周麗淇憑哭戲俘虜人心，演技獲一致好評。雖然周麗淇於劇內情路坎坷，但現實中則恰恰相反，現時與男友徐正曦打得火熱，甜蜜得羨煞旁人。
由林峯、周麗淇（Niki）及王珞丹等主演的古裝宮廷劇《衛子夫》明天將強勢登陸nowTV，勢將掀起新一輪煲劇潮！作為nowTV首部原創劇集，《衛》雲集一眾靚人靚衫靚景，其中靚女Niki的演技更獲激讚了得。
林峯在劇內飾演漢武帝劉徹，Niki則飾演其姊平陽公主，總導演劉家豪和總編劇梅小青都大讚兩人是角色的最佳人選，但原來最初Niki為角色而詐型，家豪和小青笑言：「最初搵Niki做呢個角色嗰陣佢有少少投訴，佢話點解要做阿峯家姐，而唔係妹妹，又唔係情侶。」雖然二人首度合作，但他們一拍即合，更因感情好得被封為「中國好姊弟」！《衛》在內地大受歡迎，累積收看人次接近二十四億，據知Niki更紅到入選內地十大藝人，精湛演技被視評譽為「零負評」。
眼淚話嚟就嚟
平陽公主是女中豪傑，無奈情路崎嶇，出嫁三次，經歷三次喪夫之痛。對此家豪和小青大讚Niki哭戲演技出色：「每段老公過世嘅喊戲Niki都掌握得好好，眼淚話嚟就嚟。好記得第一個老公死嗰場戲，Niki啲眼淚喺眼眶度打滾，感情拿捏得好準。」
雖然劇內情路坎坷，但現實生活中Niki的感情生活則十分美滿，更因《衛》認識到現時男友徐正曦，雖然劇內兩人只有一場對手戲，但仍能擦出愛火花，實在是Niki拍攝《衛》的另一大收穫。
板長寿司呈獻《衛子夫》播映詳情：
主演：林峯、周麗淇、王珞丹、徐正曦、沈泰
播映頻道：now香港台（100台）
播映日期：2015年1月19日至2月10日
播映時間：每晚8時30分
★另設自選服務隨時收看
《衛子夫》全港觀眾免費睇：now香港台、now免費電視App、now 隨身睇App同步播放
文：音樂組