泳兒捧男友場自認粉絲

歌手泳兒前晚連同Super Girls和Dear Jane現身中環出席髮型活動，她透露今次活動其髮型師男友Ziv有份設計髮型：「今次都算係我哋第一次同場出席活動，平時都係佢嚟睇我演出，今次就到番我嚟捧佢場，做番一次小粉絲。（點解佢唔搵你做髮型模特兒？）佢要求好高，又要夠高又要金頭髮，我今次唔合資格。」她又稱男友平日會評論她在台上的表現：「今次終於輪到我評論番佢。」活動中，Ziv亦有大方跟泳兒合照，不過男方看來有點緊張，拍完照後竟向女友握手表示：「多謝，多謝支持！」令泳兒哭笑不得。