Jeana寸爆：識佢米奇老鼠

傳不和的袁嘉敏（Candy）及何佩瑜（Jeana）昨晚在活動上零交流冇傾偈，大合照分開企，記者要求兩女合照，起初扮聽不到，最後才勉強合照。密實上陣的Jeana雖然輸「峰頭」，但繼續寸嘴說：「以前嘅我會話識佢米奇老鼠，但拍完之後，希望大家鍾意佢，佢做得好，身形又keep得好。（做唔到朋友？）我有好多朋友，不過多個敵人好過多個朋友，（講錯？）係呀！多個朋友好過多個敵人。」對於Candy露點片外洩，Jeana戥對方慘，問到如何安慰對方，她笑說：「買隻米奇老鼠畀佢囉！」另一女星唐紫睿（Hazel）則晒兩吋事業線，她直言跟Candy冇咩兩句：「有撩佢傾偈，感覺唔太好，可能佢心情唔好，成日嬲爆爆咁。（做朋友？）拍戲係工作，唔係為咗交朋友。」