妻懷孖胎 蕭定一三個夠數
已育有一女的中國3D數碼娛樂有限公司老闆蕭定一再做老竇，昨日受訪的他更爆老婆陳敏這胎是雙胞胎，並表示：「老婆懷胎三個月，仲未好穩定，未知性別，不過我覺得好好彩！（有遺傳成分？）我外父都係雙胞胎，相信呢個係家族遺傳，所以我老婆照到係孖胎時都覺得好神奇，仲感動到眼濕濕。」阿一指大女得知自己快做姐姐很開心，又稱生埋這胎三個夠晒數要收工，問怎答謝老婆？他說：「知道老婆辛苦，答謝嘅嘢在心中，我嘅咪即係佢嘅，樓、公司、股票全部都有佢個名，其實佢係我老細，我幫佢打工。」
在韓國公幹的張智霖對老闆兼老友阿一再為人父大表高興：「我一早就知，呢兩日見佢喺社交網自己貼圖公布，覺得自己終於唔使忍，但就唔知對雙胞胎究竟係男男、女女定男女，都幾期待。」
另外，唐寧昨於微博自爆誕第二胎，B女重7磅多，是剖腹生產。