江希文哭訴情變：個女最緊要

胡漢清和江希文爆出分手消息後，先有女方哭訴受盡折磨，繼而流出受傷照片，身在英國的胡漢清亦不甘示弱，透過友人越洋反擊，指被人以刀柄鋤傷，受傷照亦隨之曝光，更表示日內或會回港報警，及已聯絡律師處理，事件進入司法程序。

讚囡囡生性

Liz昨午4時駕自己名下的座駕，載未滿兩歲的囡囡離開沙宣道大宅往超級市場買日用品，她抵達商場停車場後，找來一架超市手推車，將熟睡的女兒放上車。此時記者上前問Liz是否仍居於大宅？何時會搬走？她說：「暫時未諗到。（會唔會搵朋友幫手？）唔想煩到朋友，暫時都係個女最緊要，依家個女我湊，未請到工人。」

談到胡漢清，江希文即爆喊。

放大圖片

再問及胡漢清傷勢，壓力爆煲的Liz忽然悲從中來爆喊，並說：「我都唔知，近日都冇見過佢返屋企。」淚流滿面的Liz取出紙巾拭淚，繼而扶穩正在手推車中睡到搖來搖去的女兒，並邊行邊說：「個女好生性，成日同我講It's ok！」之後Liz抱起女兒到超市買了尿片、水果及牛奶等，再駕車返大宅，落車時女兒醒了，Liz入屋前叫女兒向記者揮手，並展露笑容。

有指胡漢清和江希文近日鬧情變。（資料圖片）	入屋前江希文叫女兒向記者揮手。	江希文在超市抱着熟睡的女兒買日用品。
前日江希文上載自己教女兒刷牙的相，並說與囡囡一起就可過難關。	放大圖片

前晚Liz於社交網上載自己教女兒刷牙的相，並寫道：「只要我和Nat Nat平安在一起，什麽難關也可以渡過！」似已準備好面對以後的問題。對於Liz爆喊，胡清漢至截稿前未有回覆，其發言人則表示已聯絡律師，不便回應，要等胡回港再看發展。

胡母唔會理

另外，胡漢清媽媽莊永楚的契女白韻琹，昨被問到莊如何看待兒子和江希文火速分手，她說：「佢媽媽依家唔聽任何人電話，佢話當冇生過個仔，唔會理。」更直言從不睇好胡、江的關係：「冇睇好過，亦都冇眼睇，唔關我事。」

而Liz好友DJ李志剛昨接受電話訪問時力撐好友，透露月初曾見Liz：「一直都有聯絡，知佢好唔開心，相信佢冇乜對策。（有冇對住你喊？）佢好倔強，係好唔開心，可能受好大傷害。（有冇搵朋友幫手？）完全冇。」李志剛坦言心痛：「佢冇晒自由，又冇乜錢又要養女。」並相信好友不會動手。

文、攝：追蹤組