全裸點擊何浩文 袁嘉敏讚精壯
藝人袁嘉敏（Candy）最近於新片全裸上陣，與何浩文（Dominic）床戰，問Dominic有沒有生理反應？當時兩點盡露的Candy說：「佢精力充沛！」不過，Dominic自稱冇「動L」，又寸爆道：「我專注演出，唔會鹹濕。」而對於有傳戲中一班女演員杯葛Candy，同片的何佩瑜（Jeana）就聲稱大家合作愉快。
何浩文近日與一眾索女演出新片《鴨王》，又和師姐何佩瑜及擁34D上圍的袁嘉敏等肉搏，認真好艷福！談到跟Dominic全裸拍床戲，Candy坦言當時兩點盡露，現場打白燈兼擠滿10多人，令她甚驚張：「拍攝時我完全冇着衫，我冇份做幕後工作，所以保留幾多、cut幾多，我冇任何主意。」
談到Candy被睇「全相」，問Dominic有否「動L」？Candy謂：「佢精力充沛，好活躍。」語畢Dominic即寸爆澄清：「可能佢feel錯，我冇，因為嗰刻要就鏡頭，最重要係演戲，我好專注點演出，一定會睇到，但唔會鹹濕。」Candy補充說：「我差不多每套戲都有段情慾關係，我唔會講。（邊個有生理反應），因為有啲人有，有啲人冇，但我唔想淨係公開某一個。」
Jeana拗撬當學嘢
對於有傳Candy遭同片女演員杯葛，Dominic和Jeana又聯手對Candy黑面，Jeana表示：「有啲拗撬每套戲一定會出現，我覺得係經驗吸收，都合作愉快。」Dominic則稱：「目前同所有工作人員都有聯絡，大家溝通好好。」問Candy可覺被針對？她說：「唔回應啦，我會保持自己嘅正能量。（唔再合作？）世事無常，會睇劇本同導演。」
場地：Showbiz Bar
服裝：Microwave、Off the Wall（何浩文）、Doris Q（何佩瑜）
造型：Platt Ho